ನೇಸರ ಜ.9: ಬೆಳ್ತಂಗಡಿ ತಾಲೂಕಿನ ಕಳಂಜ-ಕಾಯರ್ತಡ್ಕ ಶ್ರೀ ಸದಾಶಿವೇಶ್ವರ ದೇವಸ್ಥಾನದ ವಾರ್ಷಿಕ ಜಾತ್ರಾ ಮಹೋತ್ಸವ ದಿನಾಂಕ 22-1-2022ನೇ ಶನಿವಾರ ಮತ್ತು 23-1-2022 ಆದಿತ್ಯವಾರದ ವರೆಗೆ ನಡೆಯಲಿದ್ದು,ಆ ಪ್ರಯುಕ್ತ ಆಮಂತ್ರಣ ಪತ್ರಿಕೆಯ ಬಿಡುಗಡೆ ಕಾರ್ಯಕ್ರಮವೂ ಜ.9 ರಂದು ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆಯವರು ತಮ್ಮ ಬೀಡಿನಲ್ಲಿ ಬಿಡುಗಡೆಗೊಳಿಸಿದರು.
ಈ ಸಂದರ್ಭದಲ್ಲಿ ದೇವಸ್ಥಾನದ ಆಡಳಿತ ಮಂಡಳಿಯ ಅಧ್ಯಕ್ಷರಾದ ಕೆ.ಶ್ರೀಧರ್ ರಾವ್, ಕಾರ್ಯದರ್ಶಿ ಕುಸುಮಾಕರ ಕೊತ್ತೋಡಿ,ಸದಸ್ಯರುಗಳಾದ ನೀಲಯ್ಯ ಗೌಡ ಮೂಡಾಯಿ ಮಜಲು, ದೇವಪ್ಪ ಗೌಡ ಕೇದಗೆದಡಿ, ಸೇಸಪ್ಪ ಗೌಡ ಕೊತ್ತೋಡಿ ಉಪಸ್ಥಿತರಿದ್ದರು.
