ನೆಲ್ಯಾಡಿಸಂತ ಜೋರ್ಜರ ನಾಮದಲ್ಲಿ ಪ್ರಸಿದ್ಧಿ ಹೊಂದಿರುವ ಕರ್ನಾಟಕದ ಮೊದಲ ಜೋರ್ಜಿಯನ್ ತೀರ್ಥಾಟನಾ ಕೇಂದ್ರವಾಗಿರುವ ಕಡಬ ತಾಲೂಕಿನ ಇಚ್ಲಂಪಾಡಿ ಸೈಂಟ್ ಜೋರ್ಜ್ ಓರ್ಥಡೋಕ್ಸ್ ಸಿರಿಯನ್ ಚರ್ಚ್‌ನ ವಾರ್ಷಿಕ ಹಬ್ಬವು ಮೇ.1ರಂದು ಆರಂಭಗೊಂಡಿತು.
ಮೇ 1ರಿಂದ 7ರ ತನಕ ವಾರ್ಷಿಕ ಹಬ್ಬ ಬ್ರಹ್ಮಾವರ ಧರ್ಮ ಪ್ರಾಂತ್ಯದ ಧರ್ಮಾಧ್ಯಕ್ಷ ಅತೀವಂದನೀಯ ಯಾಕೋಬ್ ಮಾರ್ ಏಲಿಯಾಸ್ ಮೆತ್ರಾಪೋಲೀತ್ತಾ ಹಾಗೂ ರಾನಿ ನೆಲೆಕ್ಕಲ್ ಧರ್ಮ ಪ್ರಾಂತ್ಯದ ಧರ್ಮಾಧ್ಯಕ್ಷ ಅತೀವಂದನೀಯ ಡಾ. ಜೋಶ್ವಾ ಮಾರ್ ನಿಕೋದಿಮೋಸ್ ಮೆತ್ರಾಪೋಲೀತ್ತಾ ಅವರ ನೇತೃತ್ವದಲ್ಲಿ, ಅನೇಕ ಧರ್ಮಗುರುಗಳ ಸಹಭಾಗಿತ್ವದಲ್ಲಿ ಹಬ್ಬ ಜರುಗಲಿದೆ.
ಮೇ.1ರಂದು ಬ್ರಹ್ಮಾವರ ಧರ್ಮ ಪ್ರಾಂತ್ಯದ ಧರ್ಮಧ್ಯಕ್ಷ ಅತೀವಂದನೀಯ ಯಾಕೋಬ್ ಮಾರ್ ಏಲಿಯಾಸ್ ಮೆತ್ರಾಪೋಲಿತ್ತಾ ನೇತೃತ್ವದಲ್ಲಿ ಬೆಳಗ್ಗೆ 7ಕ್ಕೆ ಪ್ರಭಾತ ಪ್ರಾರ್ಥನೆ, 8ರಿಂದ ಪವಿತ್ರ ದಿವ್ಯ ಬಲಿ ಪೂಜೆ, ಸಂತಜೋರ್ಜರೊಂದಿಗಿನ ಮಧ್ಯಸ್ಥ ಪ್ರಾರ್ಥನೆ, 9:30ರಿಂದ ಹಬ್ಬದ ಧ್ವಜಾರೋಹಣ, 12:30ಕ್ಕೆ ಮಧ್ಯಾಹ್ನದ ಪ್ರಾರ್ಥನೆ, 6ಕ್ಕೆ ಸಂಧ್ಯಾ ಪ್ರಾರ್ಥನೆ ನಡೆಯಿತು.
ಇಚಿಲಂಪಾಡಿ ಸೈಂಟ್ ಜೋರ್ಜ್ ಓರ್ಥಡೋಕ್ಸ್ ಸಿರಿಯನ್ ಚರ್ಚ್‌ನ ಧರ್ಮಗುರು ರೆ. ಫಾ. ವರ್ಗೀಸ್ ತೋಮಸ್, ರೆಂಜಿಲಾಡಿ ಸೈಂಟ್ ತೋಮಸ್ ಓರ್ಥಡೋಕ್ಸ್ ಚರ್ಚ್ ಧರ್ಮಗುರು ರೆ.ಫಾ.ಪೌಲ್ ಜೇಕಬ್, ಪದವು ಸೈಂಟ್ ಜೋರ್ಜ್ ಓರ್ಥಡೋಕ್ಸ್ ಚರ್ಚ್ ಧರ್ಮಗುರು ರೆ.ಫಾ.ಸಕ್ಕರಿಯಾ ಮ್ಯಾಥ್ಯು ಕೋರ್ ಎಪಿಸ್ಕೋಪ ರೆ.ಫಾ. ವಿ. ಸಿ. ಮಾಣಿ, ರೆ.ಫಾ. ಸುನಿಲಾ.ಪಿ.ತೋಮಸ್, ಬ್ರದರ್ ಸಾಜನ್, ಟ್ರಸ್ಟಿ ವಿ.ಎನ್.ಚಾಕೋ, ಕಾರ್ಯದರ್ಶಿ ಜೋನ್ಸನ್ ಟಿ.ಕೆ ಹಾಗೂ ಸದಸ್ಯರು, ಭಕ್ತಾದಿಗಳು ಉಪಸ್ಥಿತರಿದ್ದರು.
