ನೆರಿಯ: ತೋಟಕ್ಕೆ ಕಾಡಾನೆಗಳ ದಾಳಿ; ಕೃಷಿ ಹಾನಿ

ನೇಸರ ಆ.16: ನೆರಿಯ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಮೀಯಾರು, ಬಲ್ಕಾಡು, ಎಡ್ಯೋಡು, ಪಿಲಿಕಳ, ಎಚ್ ಪಿ ಪಂಪ್ ಹೌಸ್ ಬಳಿ ಇರುವ ನೆರಿಯ ತೋಟಕ್ಕೆ ದಾಳಿ ನಡೆಸಿರುವ ಕಾಡಾನೆಗಳ ಹಿಂಡು ಅಲ್ಲಲ್ಲಿ ದಾಂಧಲೆ ನಡೆಸಿ ನೆರಿಯ ತೋಟ ಸೇರಿದಂತೆ ಇಲ್ಲಿನ ಕೃಷ್ಣಪ್ಪಗೌಡ, ರಾಮಣ್ಣಗೌಡ ಅವರ ಅಡಕೆ ಹಾಗೂ ಬಾಳೆ ಕೃಷಿಗೆ ಹಾನಿ ಉಂಟು ಮಾಡಿದೆ.
ಕಳೆದ ಕೆಲವು ದಿನಗಳಿಂದ ಕಾಡಾನೆಗಳ ಹಿಂಡು ನೆರಿಯ ಪರಿಸರದಲ್ಲಿ ಬೀಡು ಬಿಟ್ಟು ಪ್ರತಿದಿನ ಕೃಷಿ ಹಾನಿ ಮಾಡುತ್ತಿರುವುದು ಪರಿಸರದ ಜನರ ಆತಂಕಕ್ಕೆ ಕಾರಣವಾಗಿದೆ.