ಆಷಾಢ ಮಾಸದಲ್ಲಿ ಬರುವ ಅಮಾವಾಸ್ಯೆಯನ್ನು ಈ ಬಾರಿ ಜುಲೈ 17 ರಂದು ಆಚರಿಸಲಾಗುವುದು. ಈ ದಿನ ನದಿ ಸ್ನಾನ, ದಾನ, ಪೂರ್ವಜರ ಆರಾಧನೆಗೆ ವಿಶೇಷ ಮಹತ್ವವಿದೆ. ಆಷಾಢ ಅಮಾವಾಸ್ಯೆ ಅಥವಾ ಭೀಮನ ಅಮಾವಾಸ್ಯೆಯ ದಿನದಂದು ಪುಣ್ಯವನ್ನು ಪಡೆಯಲು ಹೇಗೆ ಅನೇಕ ಕಾರ್ಯಗಳನ್ನು ಮಾಡಲಾಗುತ್ತದೆಯೋ ಅದೇ ರೀತಿ ಕೆಲವೊಂದು ಕೆಲಸಗಳನ್ನು ಮಾಡುವುದು ನಿಷಿದ್ಧವಾಗಿದೆ. ತಿಳಿದೋ ತಿಳಿಯದೆಯೋ ನಾವು ಆಷಾಢ ಅಮಾವಾಸ್ಯೆಯಂದು ಕೆಲವೊಂದು ಕೆಲಸಗಳನ್ನು ಮಾಡುವುದು ನಮ್ಮನ್ನು ತಪ್ಪಿತಸ್ಥರನ್ನಾಗಿ ಮಾಡುತ್ತದೆ. ಆಷಾಢ ಅಮಾವಾಸ್ಯೆಯ ದಿನದಂದು ನಾವು ಏನು ಮಾಡಬಾರದು ಗೊತ್ತೇ..?
ಗಿಡಗಳನ್ನು ನೆಡಿ
ಆಷಾಢ ಅಮಾವಾಸ್ಯೆ ದಿನವು ಮರಗಳು ಮತ್ತು ಗಿಡಗಳಿಗೆ ಸೇವೆ ಸಲ್ಲಿಸಲು ಮತ್ತು ಹೊಸದನ್ನು ನೆಡಲು ಒಂದು ಉತ್ತಮ ದಿನವಾಗಿದೆ. ಹೀಗೆ ಮಾಡುವುದರಿಂದ ಗ್ರಹದೋಷ, ಪಿತೃ ದೋಷ ನಿವಾರಣೆಯಾಗುತ್ತದೆ. ಈ ದಿನ ನೀವು ಮರಗಳು ಮತ್ತು ಸಸ್ಯಗಳಿಗೆ ಹಾನಿ ಮಾಡಬಾರದು. ಹೀಗೆ ಮಾಡಿದರೆ ನೀವು ಗ್ರಹ ದೋಷ ಅಥವಾ ಪಿತೃ ದೋಷಕ್ಕೆ ಭಾಗಿಯಾಗಬಹುದು.
ಪಿತೃಗಳ ಕೋಪಕ್ಕೆ ಗುರಿಯಾಗದಿರಿ
ಆಷಾಢ ಅಮಾವಾಸ್ಯೆಯಂದು ಪೂರ್ವಜರ ಆತ್ಮತೃಪ್ತಿಗಾಗಿ ತರ್ಪಣ, ಪಿಂಡದಾನ, ಶ್ರಾದ್ಧ ಕರ್ಮ ಇತ್ಯಾದಿಗಳನ್ನು ಮಾಡುತ್ತಾರೆ. ಈ ದಿನ ನೀವು ಯಾವುದೇ ಕೆಲಸ ಮಾಡಲು ಹೊರಟರೂ ಅದು ನಿಮ್ಮ ಪಿತೃಗಳಿಗೆ ಕೋಪವನ್ನುಂಟು ಮಾಡಬಾರದು ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳಿ. ಪೂರ್ವಜರ ಕೋಪದಿಂದಾಗಿ, ನೀವು ಅವರ ಶಾಪದ ಭಾಗವಾಗುತ್ತೀರಿ. ಪರಿಣಾಮವಾಗಿ, ಕೆಲಸದಲ್ಲಿ ವೈಫಲ್ಯ, ಸಂಪತ್ತು ನಷ್ಟ, ಆರ್ಥಿಕ ಬಿಕ್ಕಟ್ಟು, ಸಂತತಿಗೆ ಸಂಬಂಧಿಸಿದ ಸಮಸ್ಯೆಗಳು ಉದ್ಭವವಾಗುತ್ತದೆ.
ಇವುಗಳಿಗೆ ಹಿಂಸೆ ನೀಡದಿರಿ
ಈ ಅಮಾವಾಸ್ಯೆಯ ದಿನದಂದು ನಾಯಿ, ಹಸು, ಕಾಗೆ ಇತ್ಯಾದಿಗಳನ್ನು ಕೊಲ್ಲಬೇಡಿ ಅಥವಾ ಯಾವುದೇ ರೀತಿಯಲ್ಲಿ ಇವುಗಳಿಗೆ ಹಾನಿ ಮಾಡಬೇಡಿ. ವಿಶೇಷವಾಗಿ ಅವುಗಳು ಆಹಾರ ಸೇವಿಸುವಾಗ ಅಥವಾ ಅವುಗಳು ಆಹಾರಕ್ಕಾಗಿ ನಿಮ್ಮ ಮನೆ ಬಾಗಿಲಿಗೆ ಬಂದಾಗ ಅವುಗಳಿಗೆ ಹಾನಿ ಮಾಡಬೇಡಿ. ಅಮವಾಸ್ಯೆಯ ದಿನದಂದು ನಾಯಿ, ಹಸು ಅಥವಾ ಕಾಗೆಗೆ ಆಹಾರವನ್ನು ನೀಡುವುದರಿಂದ ಪೂರ್ವಜರು ಸಂತೋಷಪಡುತ್ತಾರೆ ಎನ್ನುವ ನಂಬಿಕೆಯಿದೆ. ನೀವು ಈ ಪ್ರಾಣಿಗಳು ಮತ್ತು ಪಕ್ಷಿಗಳನ್ನು ಕೊಂದರೆ ಅಥವಾ ಹಾನಿ ಮಾಡಿದರೆ, ನಿಮ್ಮ ಪೂರ್ವಜರು ನಿಮ್ಮ ಮೇಲೆ ಕೋಪಗೊಳ್ಳಬಹುದು.
ಭಿಕ್ಷುಕರನ್ನು ಅವಮಾನಿಸದಿರಿ
ಅಮಾವಾಸ್ಯೆಯ ದಿನ ನಿಮ್ಮ ಮನೆಗೆ ಭಿಕ್ಷೆ ಬೇಡಲು ಬಂದಾಗ ಅವರನ್ನು ಬರಿಗೈಯಲ್ಲಿ ಮನೆಯಿಂದ ಕಳುಹಿಸಬೇಡಿ. ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ಅವರಿಗೆ ಆಹಾರ, ಬಟ್ಟೆ ಅಥವಾ ಯಾವುದನ್ನಾದರೂ ದಾನ ಮಾಡಿ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಈ ದಾನವನ್ನು ಪೂರ್ವಜರು ಸ್ವೀಕರಿಸುತ್ತಾರೆ.
ಹಿರಿಯರನ್ನು ಅವಮಾನಿಸದಿರಿ
ಅಮಾವಾಸ್ಯೆಯಂದು ನಿಮ್ಮ ಮನೆಯ ಹಿರಿಯರನ್ನು ಅವಮಾನಿಸಬೇಡಿ ಅಥವಾ ಅಂತಹ ಯಾವುದೇ ರೀತಿಯ ತಪ್ಪು ಕೆಲಸಗಳನ್ನು ಮಾಡಬೇಡಿ. ಅದು ಅವರ ಆತ್ಮಕ್ಕೆ ದುಃಖವನ್ನುಂಟು ಮಾಡುತ್ತದೆ.
