ದಾಸವಾಳ ಸಾಮಾನ್ಯವಾಗಿ ಪ್ರತಿಯೊಬ್ಬರ ಮನೆಯಲ್ಲೂ ಇರುವ ಹೂವಿನ ಗಿಡ. ಈ ದಾಸವಾಳ ದೇವರಿಗೆ ಅತ್ಯಂತ ಪ್ರಿಯವಾದ ಹೂವು. ವಿವಿಧ ಬಣ್ಣಗಳಲ್ಲಿರುವ ದಾಸವಾಳ ಹೂವಿನಿಂದ ಆರೋಗ್ಯಕ್ಕೂ ಸಾಕಷ್ಟು ಪ್ರಯೋಜನಗಳಿವೆ. ದಾಸವಾಳವು 300 ಕ್ಕೂ ಹೆಚ್ಚು ಜಾತಿಯ ಹೂಬಿಡುವ ಸಸ್ಯಗಳನ್ನು ಹೊಂದಿದೆ. ದಾಸವಾಳವು ದೀರ್ಘಕಾಲಿಕ ಹೂಬಿಡುವ ಸಸ್ಯವಾಗಿದ್ದು, ಎಲ್ಲ ಋತುಗಳಲ್ಲೂ ಬೆಳೆಯಲಾಗುತ್ತದೆ.
ದಾಸವಾಳವನ್ನು ಹೂವುಗಳು, ಎಲೆಗಳು, ಕಾಂಡಗಳು, ಬೀಜಗಳು ಮತ್ತು ಬೇರುಗಳಿಗಾಗಿ ಬೆಳೆಸಲಾಗುತ್ತದೆ. ದಾಸವಾಳ ಹೂವುಗಳನ್ನು ಆಹಾರ, ಸೌಂದರ್ಯವರ್ಧಕ ಮತ್ತು ಔಷಧೀಯ ಗಿಡಮೂಲಿಕೆಯಾಗಿಯೂ ವ್ಯಾಪಕವಾಗಿ ಬಳಸಲಾಗುತ್ತದೆ. ದಾಸವಾಳವು ಔಷಧೀಯ ಮೌಲ್ಯವನ್ನು ಹೊಂದಿದೆ. ಇದನ್ನು ಆಯುರ್ವೇದ ಮತ್ತು ಚೀನೀ ಔಷಧ ಪದ್ಧತಿಯಲ್ಲಿ ಉಲ್ಲೇಖಿಸಲಾಗಿದೆ.
ದಾಸವಾಳ ಹೂವಿನ ಆರೋಗ್ಯ ಪ್ರಯೋಜನಗಳ ಬಗ್ಗೆ ಇಲ್ಲಿದೆ ಮಾಹಿತಿ…
– ನಂಜುನಿರೋಧಕ ಗುಣಲಕ್ಷಣಗಳನ್ನು ಹೊಂದಿದೆ.
– ಸ್ನಾಯು ಸೆಳೆತವನ್ನು ನಿವಾರಿಸುತ್ತದೆ. ಇದು ರಕ್ತದೊತ್ತಡವನ್ನು ಕಡಿಮೆ ಮಾಡುವ ಗುಣಗಳನ್ನು ಹೊಂದಿದೆ.
– ಮಲಬದ್ಧತೆ ನಿವಾರಣೆಗೆ ಸಹಾಯ ಮಾಡುತ್ತದೆ. ಮೂತ್ರದ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ.
– ಇದು ಉತ್ಕರ್ಷಣ ನಿರೋಧಕ ಚಟುವಟಿಕೆಯನ್ನು ಹೊಂದಿದೆ. ಇದು ಕ್ಯಾನ್ಸರ್ ಸಾಧ್ಯತೆಯನ್ನು ನಿಯಂತ್ರಿಸುತ್ತದೆ.
– ಜ್ವರವನ್ನು ಕಡಿಮೆ ಮಾಡುತ್ತದೆ. ನೆಮ್ಮದಿಯ ನಿದ್ರೆ ನೀಡುತ್ತದೆ.
– ರಕ್ತದಲ್ಲಿನ ಸಕ್ಕರೆಯನ್ನು ಕಡಿಮೆ ಮಾಡುವ ಗುಣಗಳನ್ನು ಹೊಂದಿದೆ.
– ಸೌಂದರ್ಯದಲ್ಲೂ ದಾಸವಾಳದ ಪ್ರಯೋಜನಗಳು ಸಾಕಷ್ಟಿವೆ. ಶಾಂಪೂ, ಹೇರ್ ಆಯಿಲ್, ಫೇಸ್ವಾಶ್, ಸೋಪ್ಗಳಲ್ಲಿ ದಾಸವಾಳದ ಹೂವುಗಳನ್ನು ಬಳಸಲಾಗುತ್ತದೆ.
– ದಾಸವಾಳದ ಎಲೆಗಳು ಮತ್ತು ಹೂವುಗಳು ಕೂದಲಿನ ಆರೋಗ್ಯಕ್ಕೆ ಪ್ರಯೋಜನಕಾರಿ ಗುಣಗಳನ್ನು ಹೊಂದಿದೆ. ಕೂದಲ ಬುಡಕ್ಕೆ ರಕ್ತವನ್ನು ಪರಿಚಲನೆ ಮಾಡಲು ಇದು ಸಹಾಯಕ. ದಾಸವಾಳದ ಎಲೆಗಳು ಮತ್ತು ಹೂವುಗಳು ನೈಸರ್ಗಿಕ ವರ್ಣದ್ರವ್ಯಗಳು, ಉತ್ಕರ್ಷಣ ನಿರೋಧಕಗಳು ಮತ್ತು ವಿಟಮಿನ್‌ಗಳನ್ನು ಒಳಗೊಂಡಿರುತ್ತವೆ. ಇದು ಕೂದಲಿನ ಆರೋಗ್ಯಕ್ಕೆ ಉಪಯುಕ್ತವಾಗಿದೆ.
– ಚರ್ಮದ ಆರೋಗ್ಯಕ್ಕಾಗಿ ದಾಸವಾಳ ಸಹಕಾರಿ. ತೂಕವನ್ನು ಇಳಿಕೆ ಮಾಡಲು ಕೂಡ ದಾಸವಾಳ ಉಪಯುಕ್ತವಾಗಿದೆ.
– ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
