ಅಕ್ಷಯ ತೃತೀಯ ಸಂಭ್ರಮಕ್ಕೆ ನೆಲ್ಯಾಡಿಯಲ್ಲಿ ‘ಸ್ಟಡ್ ಫೆಸ್ಟ್’ – ಮುಳಿಯ ಸಿಲ್ವರಿಯದಲ್ಲಿ ಕಿವಿಯೋಲೆಗಳ ಮಹಾಮೇಳ

ಶಾಸ್ತ್ರೋಕ್ತ ಕಿವಿ–ಮೂಗು ಚುಚ್ಚಿಸುವ ವ್ಯವಸ್ಥೆ • ಟ್ರೆಂಡಿಂಗ್ ಕಿವಿಯೋಲೆಗಳ ಅಪೂರ್ವ ಸಂಗ್ರಹ • ಓಲ್ಡ್ ಗೋಲ್ಡ್ ಎಕ್ಸ್ಚೇಂಜ್ ಆಫರ್

ನೆಲ್ಯಾಡಿ: ಅಕ್ಷಯ ತೃತೀಯ ಹಬ್ಬದ ಅಂಗವಾಗಿ ನೆಲ್ಯಾಡಿಯ ಮುಳಿಯ ಸಿಲ್ವರಿಯ ಶಾಖೆಯಲ್ಲಿ ವಿಶೇಷ ‘ಸ್ಟಡ್ ಫೆಸ್ಟ್’ ಆಯೋಜನೆಗೊಂಡಿದ್ದು, ಏ.19ರಂದು ಗ್ರಾಹಕರಿಗಾಗಿ ವಿಭಿನ್ನ ಆಕರ್ಷಣೆಗಳೊಂದಿಗೆ ಸಂಭ್ರಮಾಚರಣೆ ನಡೆಯಲಿದೆ.

ಪ್ರಸಿದ್ಧ ಆಭರಣ ಸಂಸ್ಥೆಯಾದ ಮುಳಿಯ ಗೋಲ್ಡ್ ಅಂಡ್ ಡೈಮಂಡ್ಸ್, ಪುತ್ತೂರು ಇದರ ಸಹ ಶಾಖೆಯಾಗಿರುವ ನೆಲ್ಯಾಡಿಯ ಮುಳಿಯ ಸಿಲ್ವರಿಯದಲ್ಲಿ ಈ ಬಾರಿಯ ಅಕ್ಷಯ ತೃತೀಯವನ್ನು ವಿಶೇಷ ರೀತಿಯಲ್ಲಿ ಆಚರಿಸಲಾಗುತ್ತಿದೆ. ಪ್ರತಿವರ್ಷದಂತೆ ಈ ವರ್ಷವೂ ಗ್ರಾಹಕರಿಗೆ ವಿಶೇಷ ಅನುಭವ ನೀಡುವ ಉದ್ದೇಶದಿಂದ ಕಿವಿಯೋಲೆಗಳ ಮಹಾ ಮೇಳವನ್ನು ಆಯೋಜಿಸಲಾಗಿದೆ.

ಈ ಸ್ಟಡ್ ಫೆಸ್ಟ್‌ನ ಪ್ರಮುಖ ಆಕರ್ಷಣೆಯಾಗಿ ವಿವಿಧ ವಿನ್ಯಾಸಗಳ ಕಿವಿಯೋಲೆಗಳ ಅಪೂರ್ವ ಸಂಗ್ರಹವನ್ನು ಪ್ರದರ್ಶನಕ್ಕೆ ಇಡಲಾಗಿದೆ. ಲೈಟ್ ವೈಟ್ ಕಿವಿಯೋಲೆಗಳು, ಮಕ್ಕಳಿಗಾಗಿ ಹೊಸ ವಿನ್ಯಾಸದ ಕಿವಿಯೋಲೆಗಳು ಹಾಗೂ ಪ್ರಸ್ತುತ ಟ್ರೆಂಡಿಂಗ್‌ನಲ್ಲಿ ಇರುವ ನವೀನ ಮಾದರಿಗಳ ಕಿವಿಯೋಲೆಗಳು ಗ್ರಾಹಕರ ಗಮನ ಸೆಳೆಯಲಿವೆ.

ಇದೇ ವೇಳೆ, ಅಕ್ಷಯ ತೃತೀಯದ ಶುಭ ಸಂದರ್ಭದಲ್ಲಿ ಶಾಸ್ತ್ರೋಕ್ತವಾಗಿ ಕಿವಿ ಮತ್ತು ಮೂಗು ಚುಚ್ಚಿಸುವ ವಿಶೇಷ ವ್ಯವಸ್ಥೆಯನ್ನೂ ಕಲ್ಪಿಸಲಾಗಿದೆ. ಹೀಗಾಗಿ ಕುಟುಂಬ ಸಮೇತರಾಗಿ ಆಗಮಿಸುವ ಗ್ರಾಹಕರು ಈ ಸೇವೆಯನ್ನು ಸುಲಭವಾಗಿ ಪಡೆಯಬಹುದಾಗಿದೆ. ಗ್ರಾಹಕರ ಅನುಕೂಲಕ್ಕಾಗಿ ವಿಶೇಷ ಆಫರ್ ದರದಲ್ಲಿ ಆಭರಣಗಳನ್ನು ಖರೀದಿಸುವ ಅವಕಾಶವಿದ್ದು, ‘ಓಲ್ಡ್ ಗೋಲ್ಡ್ ಎಕ್ಸ್ಚೇಂಜ್’ ಸೌಲಭ್ಯವೂ ಲಭ್ಯವಿದೆ. ಹಳೆಯ ಚಿನ್ನವನ್ನು ನೀಡಿ ಹೊಸ ಮಾದರಿಯ ಕಿವಿಯೋಲೆಗಳನ್ನು ಪಡೆಯುವ ಅವಕಾಶವನ್ನು ಸಂಸ್ಥೆ ಒದಗಿಸಿದೆ.

ಈ ಬಾರಿಯ ಅಕ್ಷಯ ತೃತೀಯವನ್ನು ‘ಸ್ಟಡ್ ಫೆಸ್ಟ್’ ಜೊತೆಗೆ ಸಂಭ್ರಮಿಸುವ ಮೂಲಕ ಕಿವಿಯೋಲೆಗಳ ಮಾರಾಟ ಹಬ್ಬ ಆರಂಭವಾಗಿದ್ದು, ಅಪೂರ್ವ ಸಂಗ್ರಹವನ್ನು ನೋಡಲು ಹಾಗೂ ತಮಗಿಷ್ಟವಾದ ವಿನ್ಯಾಸಗಳನ್ನು ಆಯ್ಕೆಮಾಡಿ ಖರೀದಿಸಲು ಗ್ರಾಹಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಸಂಸ್ಥೆ ಮನವಿ ಮಾಡಿದೆ.

ಅಕ್ಷಯ ತೃತೀಯದ ಶುಭ ಸಂದರ್ಭದಲ್ಲಿ ನೆಲ್ಯಾಡಿಯ ಮುಳಿಯ ಸಿಲ್ವರಿಯದಲ್ಲಿ ನಡೆಯುತ್ತಿರುವ ಈ ವಿಶೇಷ ಕಿವಿಯೋಲೆಗಳ ಮೇಳವು ಆಭರಣ ಪ್ರಿಯರಿಗಾಗಿ ಅಪರೂಪದ ಸುವರ್ಣಾವಕಾಶ.