ಪ್ರೀತಿ ಪ್ರೇಮದ ವಿಚಾರದಲ್ಲಿ ಗಂಡು ಹೆಣ್ಣು ಇಬ್ಬರ ಪಾತ್ರವೂ ಮುಖ್ಯ. ಆದರೆ ನಿಮಗೆ ಗೊತ್ತಾ ಪ್ರತಿ ಲವ್‌ಸ್ಟೋರಿಯಲ್ಲಿ ಗಂಡುಮಕ್ಕಳೇ ಮುಂದೆ ಬಂದು ಪ್ರಪೋಸ್ ಮಾಡೋದು. ಹೆಣ್ಮಕ್ಕಳು ಪ್ರಪೋಸ್ ಮಾಡಿರುವುದು ಬಹಳ ಕಡಿಮೆ. ಆದರೆ ಹುಡುಗೀರು ಯಾಕೆ ಮುಂದೆ ಬಂದು ತಮ್ಮ ಮನಸ್ಸಿನ ಮಾತನ್ನು ವ್ಯಕ್ತಪಡಿಸೋದಿಲ್ಲ ಎನ್ನುವುದು ನಿಮಗೆ ಗೊತ್ತಾ?
ಹುಡಗೀರು ಮೊದಲು ಪ್ರಪೋಸ್ ಮಾಡದಿರಲು ಕೆಲವು ಕಾರಣಗಳಿವೆ. ಅದು ಅವರನ್ನು ಪ್ರಪೋಸ್ ಮಾಡುವ ಮೊದಲು ಸಾವಿರ ಬಾರಿ ಯೋಚಿಸುವಂತೆ ಒತ್ತಾಯಿಸುತ್ತದೆ. ಇಲ್ಲಿ ನಾವು ನಿಮಗೆ ಅಂತಹ ಕೆಲವು ವಿಷಯಗಳನ್ನು ಹೇಳುತ್ತಿದ್ದೇವೆ.
ಬಹಳ ಬೇಕಾದ ವ್ಯಕ್ತಿ ಎನ್ನುವ ಭಾವನೆ ಹಲವಾರು ಅಧ್ಯಯನಗಳ ಪ್ರಕಾರ, ಡೇಟಿಂಗ್‌ಗೆ ಬರುತ್ತೀರಾ ಎಂದು ಪುರುಷರು ಮಹಿಳೆಯರನ್ನು ಕೇಳುವುದನ್ನು ಮಹಿಳೆಯರು ಹೆಚ್ಚಾಗಿ ಇಷ್ಟಪಡುತ್ತಾರೆ. ಅದೇ ತರ್ಕ ಪ್ರಪೋಸ್ ಮಾಡುವ ವಿಷ್ಯದಲ್ಲೂ ಅನ್ವಯಿಸುತ್ತದೆ. ತಮ್ಮನ್ನು ಬಯಸುವ ಹಲವಾರು ಮಂದಿ ಇದ್ದಾರೆ ಎಂದು ಭಾವಿಸುವಂತೆ ಮಾಡುತ್ತದೆ.
ಪ್ರತಿ ಹುಡುಗಿಯರು ಹಾಗೇ ಭಾವಿಸಲು ಬಯಸುತ್ತಾರೆ. ಹಾಗಾಗಿ ಹುಡುಗಿಯರು ಅದನ್ನು ಎಲ್ಲೋ ಆದ್ಯತೆಯಾಗಿ ನೋಡುತ್ತಾರೆ. ಇದರಿಂದಾಗಿ ಅವರು ಎಂದಿಗೂ ತಾವಾಗಿಯೇ ಹುಡುಗರಿಗೆ ಪ್ರಪೋಸ್ ಮಾಡುವುದಿಲ್ಲ.
ನಿರಾಕರಣೆಯನ್ನು ಎದುರಿಸುವ ಭಯ ಪ್ರೀತಿಯಲ್ಲಿ ತಿರಸ್ಕರಿಸಲ್ಪಟ್ಟರೆ ಎನ್ನುವ ಯಾರಿಗೇ ತಾನೇ ಭಯ ಇರುವುದಿಲ್ಲ. ಅದರಲ್ಲೂ ಹುಡುಗಿಯರಿಗೆ ಪ್ರೀತಿಯಲ್ಲಿ ನಿರಾಕರಣೆ ಆಘಾತದಂತಿರುತ್ತದೆ, ಅವರು ಅದರಿಂದ ಹೊರಬರಲು ಬಹಳ ಸಮಯ ತೆಗೆದುಕೊಳ್ಳುತ್ತಾರೆ. ಇದರೊಂದಿಗೆ ಅವರು ಕಡಿಮೆ ಸ್ವಾಭಿಮಾನವನ್ನು ಅನುಭವಿಸುತ್ತಾರೆ.
ಕೈಬಿಡುವ ಭಯ ಹುಡುಗಿಯರು ತಾವಾಗಿಯೇ ಪ್ರಪೋಸ್ ಮಾಡುವುದಿಲ್ಲ ಏಕೆಂದರೆ ಹುಡುಗರು ತಮ್ಮನ್ನು ಗೌರವಿಸುವುದಿಲ್ಲ ಎಂದು ಅವರು ಹೆದರುತ್ತಾರೆ. ಮಧ್ಯದಲ್ಲಿ ಕೈ ಬಿಟ್ಟು ಬಿಡುತ್ತಾರೋ ಎನ್ನುವ ಭಯ ಅವರನ್ನು ಕಾಡುತ್ತದೆ.
ಕೆಲವೊಂದು ಸಂದರ್ಭದಲ್ಲಿ “ನೀನೇ ನನಗೆ ಪ್ರಪೋಸ್ ಮಾಡಿದ್ದು, ನಾನೇನು ನಿನ್ನ ಹತ್ತಿರ ಬಂದಿಲ್ಲ” ಎನ್ನುವಂತಹ ಮಾತುಗಳು ಕೇಳಸಿಗುತ್ತದೆ. ಒಮ್ಮೆ ಅವರು ಪ್ರೀತಿಯಲ್ಲಿ ಬಿದ್ದರೆ, ಅವರು ತಮ್ಮ ಸಂಬಂಧದಲ್ಲಿ ಯಾವಾಗಲೂ ತಲೆಬಾಗಬೇಕು ಎಂದು ಅವರು ಭಾವಿಸುತ್ತಾರೆ. ಹಾಗಾಗಿ ಪ್ರಪೋಸ್ ಮಾಡುವ ಧೈರ್ಯ ಮಾಡುವುದಿಲ್ಲ.
ಬೋಲ್ಡ್ ಎನ್ನುವ ಟ್ಯಾಗ್ ಪಡೆಯುತ್ತದೆ ತಮ್ಮ ಆಯ್ಕೆಯ ಹುಡುಗನನ್ನು ಪ್ರಪೋಸ್ ಮಾಡುವ ಹುಡುಗಿಯರನ್ನು ಜನರು ತಪ್ಪಾಗಿ ಅರ್ಥೈಸುತ್ತಾರೆ. ಬೋಲ್ಡ್ ಹುಡುಗಿ, ಸುಲಭವಾಗಿ ಸಿಗುವವರು ಎಂದೆಲ್ಲಾ ಪರಿಗಣಿಸುತ್ತಾರೆ. ಯಾವುದೇ ಹುಡುಗಿಯು ತನ್ನ ಬಗ್ಗೆ ಇತರರು ಈ ರೀತಿ ಆಲೋಚನೆ ಮಾಡುವುದನ್ನು ಸಹಿಸುವುದಿಲ್ಲ, ಆದ್ದರಿಂದ ಹುಡುಗಿಯರು ಸುಳಿವುಗಳನ್ನು ನೀಡುವ ಮೂಲಕ ಮಾತ್ರ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸುವುದು ಸೂಕ್ತವೆಂದು ಭಾವಿಸುತ್ತಾರೆ.
ಆಕೆಯ ಪ್ರೀತಿಗೆ ಬೇರೆನೇ ಅರ್ಥ ನೀಡಲಾಗುತ್ತದೆ ಶತಮಾನಗಳಿಂದ ಹುಡುಗರು ಮಾತ್ರ ಹುಡುಗಿಯರನ್ನು ಪ್ರಪೋಸ್ ಮಾಡುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಒಬ್ಬ ಹುಡುಗ ತನ್ನ ನೆಚ್ಚಿನ ಹುಡುಗಿಗಾಗಿ ಹುಚ್ಚನಂತೆ ಪ್ರಯತ್ನಿಸಿದರೆ, ಅವನನ್ನು ರೋಮ್ಯಾಂಟಿಕ್, ಪ್ರೇಮಿ ಎಂದು ಕರೆಯಲಾಗುತ್ತದೆ.
ಅದೇ ಹುಡುಗಿಯರು ಈ ರೀತಿ ಮಾಡಿದರೆ ಆಕೆಗೆ ತಲೆ ಕೆಟ್ಟಿದೆ, ಆಕೆಯ ನಡತೆ ಸರಿಯಿಲ್ಲ ಎಂದೆಲ್ಲಾ ಹೇಳಲಾಗುತ್ತದೆ. ಇದನ್ನೆಲ್ಲಾ ಯೋಚಿಸುತ್ತಾ ಹೆಣ್ಣುಮಕ್ಕಳು ತಮ್ಮ ಕನಸಿನ ರಾಜಕುಮಾರ ಎದುರಿಗಿದ್ದರೂ ಅವರ ಬಳಿ ಹೋಗಿ ತಮ್ಮ ಭಾವನೆಗಳನ್ನು ಹೇಳುವ ರಿಸ್ಕ್ ತೆಗೆದುಕೊಳ್ಳುವುದಿಲ್ಲ.
