ನೆಲ್ಯಾಡಿ: ನೆಲ್ಯಾಡಿ ಸಂತ ಅಲ್ಫೋನ್ಸ ಪುಣ್ಯ ಕ್ಷೇತ್ರದಲ್ಲಿ ಮಾತೆ ಮರಿಯಾ ಅವರ ನೂತನ ಹಾಗೂ ವಿಶಿಷ್ಟ ಮಾದರಿಯ ಪ್ರತಿಮೆ ಪ್ರತಿಷ್ಠಾಪನೆಯು ಭಕ್ತಿಪೂರ್ವಕವಾಗಿ ನೆರವೇರಿದ್ದು, ಸ್ಥಳೀಯ ಭಕ್ತರಿಗೆ ಈ ಸಂದರ್ಭದಲ್ಲಿ ಆಧ್ಯಾತ್ಮಿಕ ಉತ್ಸಾಹ ತುಂಬಿದೆ. ಈ ಹೊಸ ಸ್ವರೂಪವನ್ನು ಸುಮಾರು ಆರು ಧರ್ಮಗುರುಗಳ ನೇತೃತ್ವದ ಪೂಜಾ ವಿಧಿಗಳ ಮೂಲಕ ಪುಣ್ಯ ಕ್ಷೇತ್ರದಲ್ಲಿ ಪ್ರತಿಷ್ಠಾಪಿಸಲಾಯಿತು.
ಈ ಸಾಂಸ್ಕೃತಿಕ-ಆಧ್ಯಾತ್ಮಿಕ ಕಾರ್ಯಕ್ರಮದಲ್ಲಿ ಪುಣ್ಯ ಕ್ಷೇತ್ರದ ಧರ್ಮಗುರು ವಂ.ಫಾ. ಶಾಜಿ ಮಾತ್ಯು, ವಂ.ಫಾ.ಆಗಸ್ಟಿನ್ ಪೊಟ್ಟಮ್ ಕುಳಂಗರ, ಕಂಕನಾಡಿಯ ವಂ.ಫಾ. ಕುರಿಯಾಸ್, ಜಗದಲ್ಪುರ್‌ನ ವಂ.ಫಾ.ಶಾಜನ್ ಎಂಬ್ರಾಡಿ ವಯಲಿಲ್ ಮೈಸೂರ್, ವಂ.ಫಾ. ಸೇಬಾಷ್ಟಿಯನ್ ಪುನ್ನತಾನಮ್ ಬೋಲ್ಮಿನಾರ್, ಕೊಕ್ಕಡದ ವಂ.ಫಾ. ಜಿಬಿನ್ ಉಪಸ್ಥಿತರಿದ್ದರು.
ಈ ನೂತನ ಪ್ರತಿಮೆಯು ನಿವೃತ್ತ ಸೈನಿಕ ಮಟ್ಟಮ್ ಬೇಬಿ ಅವರಿಂದ, ತಮ್ಮ ಇಷ್ಟಾರ್ಥ ಪೂರ್ಣವಾದ ಕೃತಜ್ಞತೆಯ ಪ್ರತಿಯಾಗಿ ಹರಕೆಯಾಗಿ ದಾನವಾಗಿ ನೀಡಲಾಗಿದೆ. ಭಕ್ತರ ಪ್ರಾರ್ಥನೆಗೆ ಸಂಕೇತವಾಗಿರುವ ಈ ಪ್ರತಿಮೆ, ಸ್ಥಳೀಯರಲ್ಲಿ ಭಾವನಾತ್ಮಕ ಬಾಂಧವ್ಯವನ್ನು ಮೂಡಿಸಿ, ಪುಣ್ಯ ಕ್ಷೇತ್ರದ ಧಾರ್ಮಿಕ ಮಹತ್ವವನ್ನು ಇನ್ನಷ್ಟು ಹೆಚ್ಚಿಸಿದೆ.
