ನೆಲ್ಯಾಡಿ: ಕಡಬ ತಾಲೂಕಿನ ನೆಲ್ಯಾಡಿ ಸಂತ ಅಲ್ಫೋನ್ಸಾ ಚರ್ಚ್ ನ ಎಸ್ ಎಂ ವೈ ಎಂ ಯುವಕರು ಈ ವರ್ಷ ಕ್ರಿಸ್ಮಸ್ ಸಂಭ್ರಮಕ್ಕೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲೇ ಅತಿ ದೊಡ್ಡ ಮತ್ತು ಅತಿ ಎತ್ತರದ ಕ್ರಿಸ್ಮಸ್ ನಕ್ಷತ್ರವನ್ನು ನಿರ್ಮಿಸುವ ಮೂಲಕ ವಿಶಿಷ್ಟ ದಾಖಲೆಯ ಪುಟ ಸೇರಿದ್ದಾರೆ.
ಸುಮಾರು 42 ಅಡಿ ಎತ್ತರದಲ್ಲಿರುವ ಈ ಮಹಾ–ಕ್ರಿಸ್ಮಸ್ ತಾರೆ, ಈಗ ಜಿಲ್ಲೆಯ ಅತಿ ಎತ್ತರದ ಕ್ರಿಸ್ಮಸ್ ನಕ್ಷತ್ರ ಎಂಬ ಗೌರವ ಪಡೆದಿದೆ. ಏಕತೆ, ಪರಿಸರ ಸ್ನೇಹಿ ಅಲಂಕಾರ ಹಾಗೂ ಸೌಹಾರ್ದತೆಯನ್ನು ಪ್ರತಿಬಿಂಬಿಸುವಂತೆ ಈ ನಕ್ಷತ್ರವನ್ನು ವಿನ್ಯಾಸಗೊಳಿಸಲಾಗಿದೆ.
ಈ ಮಹತ್ತರ ಯೋಜನೆ ಫಾ. ಶಾಜಿ ಮ್ಯಾಥ್ಯೂ ಮತ್ತು ಫಾ.ಅಲೆಕ್ಸ್ ಜಾನ್ಸನ್ ಅವರ ಮಾರ್ಗದರ್ಶನದಲ್ಲಿ, ನೆಲ್ಯಾಡಿ ಸಂತ ಅಲ್ಫೋನ್ಸಾ ಚರ್ಚ್ ನ ಯುವಕರ ಕಠಿಣ ಪರಿಶ್ರಮದ ಸಂಕೇತ ವಾಗಿದೆ. ಪ್ರತಿ ದಿನ ರಾತ್ರಿ ವಿವಿಧ ಕಡೆ ಗಳಿಂದ ಈ ನಕ್ಷತ್ರವನ್ನು ವೀಕ್ಷಿಸಿ ಆನಂದಿಸಲು ಜನರು ಭೇಟಿ ನೀಡುತ್ತಿದ್ದಾರೆ.
