ಪುತ್ತೂರು: ಇತಿಹಾಸ ಪ್ರಸಿದ್ಧ ಪುತ್ತೂರು ಮಹಾಲಿಂಗೇಶ್ವರ ದೇವಳದಲ್ಲಿ ಗುರುವಾರ ರಾತ್ರಿ ನಡೆದ ಬ್ರಹ್ಮರಥೋತ್ಸವವು ಭಕ್ತಿ ಸಂಭ್ರಮದ ನಡುವೆ ಅದ್ದೂರಿಯಾಗಿ ಜರುಗಿತು. ದೇವಳದ ಗದ್ದೆ ಭಕ್ತಸಾಗರವಾಗಿ ಮಾರ್ಪಟ್ಟಿದ್ದು, ದೇವದರ್ಶನಕ್ಕಾಗಿ ಭಕ್ತರು ದಟ್ಟವಾಗಿ ಸೇರುವ ದೃಶ್ಯ ಕಣ್ಮನ ಸೆಳೆಯಿತು.
ಪುತ್ತೂರಿನ ಖ್ಯಾತ ‘ಪುತ್ತೂರು ಬೆಡಿ’ ಸಿಡಿಮದ್ದು ಪ್ರದರ್ಶನ ಬಾನಂಗಳದಲ್ಲಿ ಬಣ್ಣದ ಹೊಳೆಯೊರೆಹಾಕಿದರೆ, ಬೆಳಗಿನ ಜಾವ ದೇವಳದಲ್ಲಿ ಉತ್ಸವ, ವಸಂತ ಕಟ್ಟೆಪೂಜೆ, ದರ್ಶನ ಬಲಿ, ಬಟ್ಟಲು ಕಾಣಿಕೆ ಹಾಗೂ ಅನ್ನಸಂತರ್ಪಣೆ ನಡೆಯಿತು.
ರಾತ್ರಿ 7.30ರ ನಂತರ ಉತ್ಸವ ಮೂರ್ತಿ ದೇವರನ್ನು ಬ್ರಹ್ಮವಾಹಕರು ಹೆಗಲ ಮೇಲೆ ಹೊತ್ತುಕೊಂಡು ಮಂಗಳವಾದ್ಯಗಳೊಂದಿಗೆ ಅಲಂಕರಿಸಲಾದ 20 ಅಡಿ ಎತ್ತರದ ಬ್ರಹ್ಮರಥದ ಕಡೆಗೆ ಕರೆದೊಯ್ದರು. ಪುರಾತನ ಸಂಪ್ರದಾಯದಂತೆ ಕಾಜುಕುಜುಂಬ ದೈವದ ನುಡಿಗಟ್ಟು ನಡೆಯಿತು. ಬಳಿಕ ದೇವರು ರಥಾರೂಢನಾಗಿ, ವಿಶೇಷ ಪೂಜೆಗಳನ್ನು ಸ್ವೀಕರಿಸಿದರು.
ಭಕ್ತರ ಜಯಘೋಷದ ನಡುವೆ ರಥಬೀದಿಯಲ್ಲಿ ಬ್ರಹ್ಮರಥವನ್ನು ಎಳೆಯುವ ವೇಳೆ ಉತ್ಸಾಹದ ತೀವ್ರತೆ ತಟ್ಟೆದಂತೆ ಏರಿತು. ಸಿಡಿಮದ್ದು ಪ್ರದರ್ಶನ ತಾಸುಗಟ್ಟಲೆ ನಡೆಯಿತು. ಈ ಬಾರಿ ಭಕ್ತರ ಸೇವೆಯ ಮೂಲಕ ಈ ಪ್ರದರ್ಶನ ಏರ್ಪಡಿಸಲಾಯಿತು. ‘ಸೋನಿ’ ಎಂಬವರು ಇದರ ಹೊಣೆ ಹೊತ್ತಿದ್ದರು.
ಈ ಮಹೋತ್ಸವದ ಅಂಗವಾಗಿ ಡಿವೈಎಸ್‌ಪಿ ಅರುಣ್ ನಾಗೇಗೌಡ ನೇತೃತ್ವದಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್ ಹಾಗೂ ಸಿಸಿಟಿವಿ ಕಣ್ಗಾವಲು ವ್ಯವಸ್ಥೆ ಜಾರಿಗೆ ಇಡಲಾಗಿತ್ತು. ನೂರಾರು ಪೊಲೀಸ್ ಸಿಬ್ಬಂದಿ, ಗೃಹರಕ್ಷಕ ದಳ, ಸಶಸ್ತ್ರ ಮೀಸಲು ಪಡೆ ಸೇರಿದಂತೆ ವಿವಿಧ ಭದ್ರತಾ ಸಿಬ್ಬಂದಿ ಕಾರ್ಯನಿರ್ವಹಿಸಿದರು.
ಪುತ್ತೂರು ನಗರ ವ್ಯಾಪ್ತಿಯಲ್ಲಿ ಮುಂಜಾನೆ ಮದ್ಯದಂಗಡಿಗಳು ಬಂದ್ ಮಾಡಲಾಗಿದ್ದು, ಸಂಜೆ 4 ಗಂಟೆಯಿಂದ ಬಸ್ ನಿಲ್ದಾಣದವರೆಗೆ ವಾಹನ ಸಂಚಾರ ನಿಷೇಧಿಸಲಾಗಿತ್ತು. ಗ್ರಾಮೀಣ ಪ್ರದೇಶಗಳಿಗೆ ಹೆಚ್ಚುವರಿ ಬಸ್ ವ್ಯವಸ್ಥೆ ಮಾಡಲಾಗಿತ್ತು.
