ಬಿಜೆಪಿಗೆ 5 ಸ್ಥಾನಗಳಲ್ಲಿ ತೃಪ್ತಿ – ಜಿದ್ದಾ ಜಿದ್ದಿನ ಹೋರಾಟದಲ್ಲಿ ಕಾಂಗ್ರೆಸ್‌ಗೆ ಮೇಲುಗೈ
ಕಡಬ: ಇಲ್ಲಿನ ಪಟ್ಟಣ ಪಂಚಾಯತ್ ಚುನಾವಣೆಯ ಫಲಿತಾಂಶದಲ್ಲಿ ಕಾಂಗ್ರೆಸ್ ಪಕ್ಷ ಅಧಿಕಾರದ ಗದ್ದುಗೆಗೆ ಏರಿದೆ. ಆ.17ರಂದು ನಡೆದಿದ್ದ 13 ವಾರ್ಡ್‌ಗಳ ಚುನಾವಣೆ ಇಂದು (ಆ.20) ನಡೆದ ಮತ ಎಣಿಕೆಯಲ್ಲಿ ಕಾಂಗ್ರೆಸ್ 8 ಸ್ಥಾನಗಳನ್ನು ಗೆದ್ದು ಮೇಲುಗೈ ಸಾಧಿಸಿದೆ. ಬಿಜೆಪಿ ಭರ್ಜರಿ ಪೈಪೋಟಿ ನೀಡಿದರೂ ಕೇವಲ 5 ಸ್ಥಾನಗಳಿಗೆ ಸೀಮಿತಗೊಂಡಿದೆ. ಕೆಲವಾರ್ಡ್‌ಗಳಲ್ಲಿ ಕಾಂಗ್ರೆಸ್–ಬಿಜೆಪಿಯ ನಡುವೆ ಜಿದ್ದಾಜಿದ್ದಿನ ಹೋರಾಟ ನಡೆಯಿತು.
ವಿಜೇತರ ವಿವರ:
ವಾರ್ಡ್ 1 – ಕಳಾರ: ಹಿಂದುಳಿದ ವರ್ಗ ಎ’ ಮಹಿಳೆಗೆ ಮೀಸಲಾದ ಕ್ಷೇತ್ರದಲ್ಲಿ ಕಾಂಗ್ರೆಸ್‌ನ ತಮನ್ನಾ ಜಬೀನ್ 201 ಮತ ಪಡೆದು ವಿಜಯಶಾಲಿ. ಬಿಜೆಪಿ ಪ್ರೇಮಾ 0, ಎಸ್‌ಡಿಪಿಐ ಸಮೀರಾ ಹಾರಿಸ್ 74, ಪಕ್ಷೇತರ ಜೈನಾಬಿ 139 ಮತ.
ವಾರ್ಡ್ 2 – ಕೋಡಿಬೈಲು: ಪರಿಶಿಷ್ಟ ಜಾತಿ ಮಹಿಳಾ ಮೀಸಲು ಕ್ಷೇತ್ರದಲ್ಲಿ ಬಿಜೆಪಿಯ ಕುಸುಮ ಅಂಗಡಿಮನೆ 187 ಮತ ಪಡೆದು ಗೆಲುವು. ಕಾಂಗ್ರೆಸ್‌ನ ಮೋಹಿನಿ 177 ಮತ. 4 ನೋಟಾ ಮತ.
ವಾರ್ಡ್ 3 – ಪನ್ಯ: ಸಾಮಾನ್ಯ ಕ್ಷೇತ್ರದಲ್ಲಿ ಕಾಂಗ್ರೆಸ್‌ನ ಮಹಮ್ಮದ್ ಪೈಝಲ್ ಭರ್ಜರಿ 320 ಮತ ಪಡೆದು ವಿಜಯಶಾಲಿ. ಬಿಜೆಪಿ ಆದಂ ಕುಂಡೋಳಿ 75, ಎಸ್‌ಡಿಪಿಐ ಹಾರಿಸ್ ಕಳಾರ 6, ಮುಸ್ಲಿಂ ಲೀಗ್ ಕೆ.ಅಬ್ದುಲ್ ರಝಾಕ್ 2 ಮತ.
ವಾರ್ಡ್ 4 – ಬೆದ್ರಾಜೆ: ಕಾಂಗ್ರೆಸ್‌ನ ಸೈಮನ್ ಸಿ.ಜೆ 232 ಮತ ಪಡೆದು ಗೆಲುವು. ಬಿಜೆಪಿ ಅಶೋಕ್ ಕುಮಾರ್ ಪಿ. 168 ಮತ.
ವಾರ್ಡ್ 5 – ಮಾಲೇಶ್ವರ: ಕಾಂಗ್ರೆಸ್‌ನ ಹನೀಫ್ ಕೆ.ಎಂ 297 ಮತ ಪಡೆದು ಜಯಶಾಲಿ. ಬಿಜೆಪಿ ಪ್ರಕಾಶ್ ಎನ್.ಕೆ 213 ಮತ.
ವಾರ್ಡ್ 6 – ಕಡಬ: ಸಾಮಾನ್ಯ ಮಹಿಳಾ ಮೀಸಲು ಕ್ಷೇತ್ರದಲ್ಲಿ ಕಾಂಗ್ರೆಸ್‌ನ ನೀಲಾವತಿ ಶಿವರಾಮ್ 314 ಮತ ಪಡೆದು ಗೆಲುವು. ಬಿಜೆಪಿ ಪ್ರೇಮಾ 176, ಪಕ್ಷೇತರ ಆಲೀಸ್ ಚಾಕೊ 16, ಎಸ್‌ಡಿಪಿಐ ಸ್ವಾಲಿಯತ್ ಜಸೀರಾ 78 ಮತ.
ವಾರ್ಡ್ 7 – ಪಣೆಮಜಲು: ಹಿಂದುಳಿದ ವರ್ಗ ಬಿ ಮೀಸಲು ಕ್ಷೇತ್ರದಲ್ಲಿ ಕಾಂಗ್ರೆಸ್‌ನ ರೋಹಿತ್ ಗೌಡ 333 ಮತ ಪಡೆದು ಜಯಶಾಲಿ. ಬಿಜೆಪಿ ಗಣೇಶ್ ಗೌಡ 248 ಮತ.
ವಾರ್ಡ್ 8 – ಪಿಜಕ್ಕಳ: ಸಾಮಾನ್ಯ ಮೀಸಲು ಕ್ಷೇತ್ರದಲ್ಲಿ ಬಿಜೆಪಿ ದಯಾನಂದ ಗೌಡ ಪಿ. 386 ಮತ ಪಡೆದು ಭರ್ಜರಿ ಗೆಲುವು. ಕಾಂಗ್ರೆಸ್ ಅಶ್ರಫ್ ಶೇಡಿಗುಂಡಿ 184 ಮತ.
ವಾರ್ಡ್ 9 – ಮೂರಾಜೆ: ಕಾಂಗ್ರೆಸ್‌ನ ಕೃಷ್ಣಪ್ಪ ಪೂಜಾರಿ 263 ಮತ ಪಡೆದು ವಿಜಯಿ. ಬಿಜೆಪಿ ಕುಂಞಣ್ಣ ಕುದ್ರಡ್ಕ 235 ಮತ, 5 ನೋಟಾ.
ವಾರ್ಡ್ 10 – ದೊಡ್ಡಕೊಪ್ಪ: ಸಾಮಾನ್ಯ ಮಹಿಳಾ ಮೀಸಲು ಕ್ಷೇತ್ರದಲ್ಲಿ ಬಿಜೆಪಿ ಗುಣವತಿ ರಘುರಾಮ 393 ಮತ ಪಡೆದು ಗೆಲುವು. ಕಾಂಗ್ರೆಸ್ ತುಳಸಿ 258 ಮತ, 9 ನೋಟಾ.
ವಾರ್ಡ್ 11 – ಕೋಡಿಂಬಾಳ: ಬಿಜೆಪಿ ಅಕ್ಷತಾ ಬಾಲಕೃಷ್ಣ ಗೌಡ 265 ಮತ ಪಡೆದು ಜಯಶಾಲಿ. ಕಾಂಗ್ರೆಸ್ ಜ್ಯೋತಿ ಡಿ.ಕೋಲ್ಪೆ 255 ಮತ.
ವಾರ್ಡ್ 12 – ಮಜ್ಜಾರು: ಪರಿಶಿಷ್ಟ ಜಾತಿ ಮೀಸಲು ಕ್ಷೇತ್ರದಲ್ಲಿ ಬಿಜೆಪಿ ಮೋಹನ 306 ಮತ ಪಡೆದು ಗೆಲುವು. ಕಾಂಗ್ರೆಸ್ ಉಮೇಶ್ ಮಡ್ಯಡ್ಕ 238 ಮತ. 2 ನೋಟಾ.
ವಾರ್ಡ್ 13 – ಪುಳಿಕುಕ್ಕು: ಪರಿಶಿಷ್ಟ ಪಂಗಡ ಮೀಸಲು ಕ್ಷೇತ್ರದಲ್ಲಿ ಕಾಂಗ್ರೆಸ್‌ನ ಕೃಷ್ಣ ನಾಯ್ಕ 315 ಮತ ಪಡೆದು ಜಯಶಾಲಿ. ಬಿಜೆಪಿ ಸದಾನಂದ ನಾಯ್ಕ 264 ಮತ ಪಡೆದಿದ್ದಾರೆ.
